Hlutir.is

Græjublogg Íslands

Svalur hjálmur

Einn svalasti mótorhjólakappi síðustu aldar var Steve McQueen. Hann var reyndar frægur sem kvikmyndaleikari en keppti í motocrossi og enduro þrátt fyrir að samningur hans við kvikmyndaverið bannaði það (hann skráði sig í keppnir undir dulnefni).

McQueen notaði TAG Hauer Monaco úr þegar hann lék í kvikmyndinni Le Mans og hefur það úr verið klassískt síðan. Nú hefur TAG Hauer ákveðið að reyna að ná inn nokkrum aurum í viðbót á fornri frægð og framleitt hjálm sem líkist þeim sem McQueen notaði í sömu mynd.

Hjálmurinn er í trefjagleri með stálfestingum og er málaður í sömu litum og McQueen var með í myndinni auk þess sem Heuer logoið frá þeim tíma er málað á hjáminn. Hjálmurinn kostar $650 í USA sem er sirka 80 þús.

Sportlegur

Minniskubbur frá Svissneska hernum

Svissneski herinn hefur ekki unnið nein afrek svo lengi sem elstu menn muna. En fyrirtækið Victorinox hefur framleitt svokallaða svissneska herhnífa um áratugabil. Þeir eru duglegir að fylgjast með nýjungum og hafa haft USB minniskubba í hnífunum sínum um nokkurt skeið. Nú er að koma á markaðinn frá þeim SSD minniskubbur með allt að 256GB geymsluplássi.

Minniskubbarnir eru varðir með dulkóðun (þú færð $250.000 ef þú nærð að krakka kóðann) og fást í nokkrum útgáfum. Stærstu kubbarnir eru með 2 stykkjum af 126GB kubbum og hnífsblaði. Einnig er hægt að fá minniskubbana án hnífsins.

Nokkur gígabæt og naglaklippur

Blóðþrýstingurinn mældur með iPad

Svo ýtir maður bara á Start

Fyrir tæpum tveimur árum kynnti Apple möguleikann á að tengja tæki frá þriðja aðila að iOS tækjum. Þeir lögðu einmitt mikla áherslu á að lækningabransinn væri kjörinn í að nýta sér þessa tækni.Einhvern tíma hefur það þó tekið að þróa tæki sem nýtast vel við iPad og iPhone. Uppá síðkastið hefur orðið vart við nokkur slík tæki; nú er hægt að fá upplýsingar úr bíltölvunni sinni í símann, mæla hitann á steikinni í ofninum og nú nýjast er blóðþrýstingurinn mældur í símanum.

Þó að hægt sé að kaupa blóðþrýstingsmæli í næsta Apóteki á 5 þúsund kall er þetta nýja tæki aðeins flottara. Dokkan heitir iHealth og með henni fylgir forrit sem heitir Blood Pressure Monitor. Ferlið er svo sem ekki flókið en fólk sem þarf reglulega að mæla blóðþrýstinginn getur með tækinu sparað sér heimsóknir á læknastöðvar og einnig mælt sig oftar en ella.

Niðurstöðuna úr prófunum er hægt að sjá á grafískan máta og hægt að senda í tölvupósti á lækninn sinn.

Lesa meira af Blóðþrýstingurinn mældur með iPad

Klæðskerasniðinn dræver frá TaylorMade

Nýi dræverinn frá TaylorMade brýtur blað í golfsögunni. Kylfingurinn getur stillt kylfuna á þrjá vegu. Fyrst getur hann ráðið hversu flöturinn hallar mikið. Í öðru lagi hvort hann sé innskeifur eða útskeifur. Í þriðja lagi er hægt að færa til þyngdarpunktinn í hausnum sem breytir því hvort boltinn fljúgi hátt eða lágt. Kylfan heitir R11.

Til að kóróna snilldina hafa þeir ákveðið að mála hausinn með mattri hvítri málningu svo sólin speglist ekki af honum. Einnig á að vera auðveldara að stilla kylfunni rétt upp þar sem hvíti liturinn er hvað ólíkastur grænu grasi.

Tengill á vef framleiðandann

3 stillimöguleikar á einni kylfu

Lesa meira af Klæðskerasniðinn dræver frá TaylorMade

Hringlóttur hnífur

Hringlóttur!

Flott hönnun á þessum hníf, sem er aðallega ætlaður til að skera niður súkkulaði, fersk krydd og grænmeti. Hönnuðirnir heita Paolo Lucidi og Luca Pevere.

Hér er hægt að kaupa hann Chop Round Knife.
Lesa meira af Hringlóttur hnífur

Þráðlaus vog

iPhone appið

Enn fjölgar í heimilistækjum sem tengjast netinu. Nú er það baðvogin. Vogin er sem sagt WiFi tengd og með henni fylgir forrit sem þú setur í tölvuna þína og þú getur fylgst með þyngt, fituhlutfalli, vöðvahlutfalli og BMI. Einkaþjálfarinn getur líka fengið aðgangsorð svo hægt sé að fylgjast með. Allavega færð þú að sjá línurit og töflur um hvað hefur gerst, bæði í borðtölvuna, iPhone app eða í Android.

Þú ræður sjálfur hvort þú setur upplýsingarnar á heimasíðuna þína, Twittar þeim eða setur beint á Facebook.

Nánari upplýsingar hér: www.withings.com

Svona fer maður uppá hana