Sumir sem komnir eru á fertugsaldurinn eiga allan fjandann, svo erfitt reynist að gefa þeim afmælisgjafir. Hér er eitthvað fyrir næsta afmæli. Vín-hitamælir. Græjan er sem sagt innrauður hitamælir sem hentar vel til að sjá hvort borðvín séu af réttu hitastigi, en eins og sumir vita er ekki sama á hvaða hitastigi chardonnay þrúgan er boðin gestum. Leitið að Nuvo Vino í næstu búð.
Danska hátæknifyrirtækið Bang & Olufsen er að koma með nýja hátalara í vöruúrvalið hjá sér. Þessir eru líklegir til að kosta á við notaðan kóreskan bíl en engu að síður skemmtilegir á að horfa (og vonandi hlusta). Verðið í Bandaríkunum er um 700.000 krónur. Bang&Olufsen nota tæknina Adaptive Bass Linearisation tecnology til að ná tónum allt niður í 30Hz og ætti því engin þörf að vera fyrir bassabox. Breski smásölurisinn Tesco ætlar að byggja stærstu sólarrafhlöðuþak í heimi á nýtt vöruhús sitt í Californiu í Bandaríkjunum. Húsið kostar alls tæpan milljarð króna og fékk Tesco Solar Integrated Technologies í lið með sér til að hanna þakið. Tesco segir að þakið muni afla um 20% af orkuþörf hússins og spara um “1200 tonn af koltvísýringi á ári”. Það munar um minna. Fyrir 50 þúsund kall er hægt að fá þennan skemmtilega kassa í bílinn. Þetta er tölva og GPS tæki sem mælir allan fjandann. Hún mælir hraða, hröðun, slæd og fullt af skemmtilegu dóti. Þú getur borið saman hraðan hring í braut við Google Earth og lesið úr línunni hjá þér. Einnig geturðu séð hversu margar gráður þú driftar og hversu hratt þú ferð á kvartmílunni. Magnað tæki sem væri gaman að bæta við í dótakassann.
Það hlaut að koma að því….einhver varð að herma eftir iPhone og ekki tók það nema 9 daga Síminn er tri-band GSM 900/1800/1900 með EDGE og 3″ skjá, 2mp myndavél, flassi og Bluetooth 2.0. Einnig er videoafspilun fyrir MPEG4, H.264 og H.263. Hægt er að skoða PowerPoint skjöl, .doc og .xls, pdf og txt skrár. Einnig fullt af hljóðfælum. Síminn kostar 600 evrur eða rétt um 55 þúsund kall í Evrópu. Hér má svo sjá samanburð á iPhone og Prada símanum. (iPhone er vinstra megin)
Við sýndum ykkur brauðrist fyrir nokkrum vikum sem vakti þónokkra athygli. Nú er komin endurbætt útgáfa af nánast sömu græjunni en það er “Toast automatica” sem snillingurinn George Watson sem hefur hannað þetta. Myndin segir sig nú bara sjálf en til upplýsinga er aðeins einn takki á vélinni, sá sem ræður hraðanum á mótornum sem ýtir brauðinu í gegn. Skyldi þetta verða jólagjöfin í ár?
| ||
62 fyrirspurnir. 0.506 sekúndur. | ||
Síðustu komment