Kleer er ungt fyrirtæki sem hefur fengið einkarétt á nýrri tækni sem virðist vera mun hentugri í þráðlausa sendingu á hljóði heldur en Bluetooth. Aðalmunurinn felst í því að rafmagnsnotkun er aðeins 10% af því sem bluetooth tækin nota, þannig að batteríin ættu að duga 10 sinnum lengur. Hljómgæðin eiga að vera þau sömu og þekkjast úr hágæða heyrnatólum nútímans og hugsanlega mun verða auðveldara að búa til surround kerfi heima hjá sér þegar allir hátalarnir geta verði þráðlausir.
Vörurnar ekki enn komnar á markað en myndin sýnir hvað er verið að hugsa um. Spurning hvort nýji iPhone síminn frá Apple verði með svona þráðlausu kerfi þar sem Kleer fyrirtækið er staðsett í Cupertino eins og Apple??
Nú er um að gera að tékka á hvort hægt sé að fá þennan á Visa-rað. Því nóg kostar hann. Panasonic TH-103pf9uk heitir hann og er eitthundrað og þriggja tommu plasma skjár. Verð: 4,9 milljónir króna. Aðeins. (þetta er verðið í USA)
Nokkrar tölur:
2,2 metrar á lengd
1,2 metrar á hæð
2,8 fermetra skjár
3001:1 skerpa
215 kg nettó
váá
Kanadíska fyrirtækið AlphaShield hefur kynnt til sögunnar nokkuð öflugan router. Hann er sagður ná yfir 350 metra innandyra og yfir 1150 metra utandyra. Þetta á að sjálfsögðu við bestu aðstæður. Þeir kalla tæknina Power-G en þetta mun vera um 20 sinnum meiri vegalengd en venjulegur router nær.
Hraðinn á græjunni er 108mps og það eru 5 ethernet port á honum auk þess sem það er eldveggur, prentþjónn og VPN stuðningur.
Verslanir í USA búast við græjunni í hillurnar hjá sér í Janúar og verðinu í kringum 15.000 ísl kr.
Sony í Japan hefur hafið sölu á viðbót við hina geysivinsæla lófa-leikjatölvu PSP. Það er GPS móttakari sem er aðeins um 4,5 cm á stærð og aðeins 16 grömm á þyngd.
Tækið er að sjálfsögðu hágæðaútgáfa af hinum þekktu GPS tækjum eins og við þekkjum þau. Til viðbótar eru komin fyrir Japansmarkað:
Golf-jou: Kort af öllum helstu golfvöllum í Japan, tækið gefur upp fjarlægðir frá hindrunum og holunni. Einnig er hægt að nota tækið til að muna fjölda högga.
Metal Gear Solid: Hægt er að nota tækið til að finna nýja kalla sem hægt er að kalla í herinn til sín.
Navigation: Þessi venjulegu kort fyrir bílinn og gönguferðirnar. Hægt er að finna áhugaverða staði og bensínstöðvar auðveldlega. Kortin eru uppfærð í gegnum netið.
Tækið kom í búðir í Japan í dag og kostar aðeins um 3600 krónur. Vonandi kemur það í Evrópu fljótlega á næsta ári.
Tækið er aðeins 45×41x17 mm
Hinn heimsþekkti gítarframleiðandi Gibson hefur sett stafrænan gítar ár markaðinn undir hinu stórskemmtilega nafni HD.6X-Pro.
Um talsverða nýjung er að ræða þar sem gítarinn er tengdur við magnara eða tölvu með Cat5 snúru í stað þeirrar gömlu. Gítarinn sendir frá sér átta rásir af hljóði, þ.e. eina fyrir hvern streng og svo eina fyrir alla strengina samanlagt (venjulegt merki) og svo eina fyrir mic merki. Einnig býður kerfið uppá að tvær rásir séu sendar tilbaka uppí gítarinn svo gítarleikarinn geti hlustað í stereo á hljóðið sem búið er að vinna.
Öll vinnslan fer fram í gegnum svokallað Breakout box sem er einskonar effect og hljóðvinnslukassi. En ef þér leiðist orðið öll tæknin geturðu sett gömlu gítarsnúruna í samband og spilað á gamla mátann.
Gítarinn kostar um 350 þús í Bandaríkjunum. Hægt er að fá sérstaka Les Paul útgáfu sem kostar næstum tvöfalt.
Fartölvur hafa verið nánast óbreyttar síðan á níunda áratug síðustu aldar. Jú, auðvitað hefur hraðinn og afkastagetan aukist en hönnunin er nánast eins. LG hefur hannað algjörlega nýja fartölvu. OLED skjár er notaður í staðinn fyrir LCD skjáinn sem allir nota í dag, og er enginn rammi í kringum hann. Einnig er sagt að hann noti mun minna rafmagn. Orkugjafinn í vélinni er einnig nástárlegur fyrir fartölvu en það er metanól (alkóhól!!). Tölvan hefur nú þegar unnið þýsk hönnunarverðlaun enda ekkert skrítið af myndinni af dæma. Tölvan er gullfalleg og hlýtur að vera öflug að sama skapi. Eina sem þarf að breyta fyrir útgáfu er nafnið, sem nú er ebook sem er afskaplega klisjukennt.
Verð og útgáfudagur eru ekki ákveðin, en James Bond hlýtur að fá fyrsta eintakið ef maður þekkir hann rétt.
Nýlegar athugasemdir