Loksins komin ný útgáfa af töfrateningnum. Þessi er með ljósum og innbyggðum leikjum, t.d. er hægt að fara í 2ja manna spil!!! Einnig er hægt að fá aðstoð fyrir byrjendur. Maður bíður spenntur fram á sumar, en þá kemur hann í verslanir. Þá er kannski séns að maður nái að leysa þetta í fyrsta skipti.
Nú geta jakkafatamennirnir glaðst enn meira því Nokia var að kynna E61i símann/tölvuna með QWERTY lyklaborði. Þetta er fyrsti síminn frá Nokia með svona lyklaborði. Síminn er með fjögurra banda GSM, UMTS og WiFi. Hann tengist við tölvupóstinn þinn eins og við var að búast en hann er einnig með 2 mp myndavél. Stýrikerfið er Intellisync Mobile Suite 8.0 sem Nokia segir að sé nógu öflugt til að ” ná nýjum hæðum í afköstum og samkeppnisfærni”.
Ef þú vilt geta sannað söguna um “þann stóra” er komið tæki fyrir þig. Öngulmyndavél sem tekur uppá DVD disk. Kostar ekki nema 25 þúsund kall í Englandi. Þessi mynd þarfnast ekki mikilla skýringa. Þetta er liður í kynningu á nýja Virgin America flugfélagsins.
Tilgangurinn með að birta þetta er að hvetja fyrirtæki og fólk að vera aðeins frumlegri í hugsun og framkvæmdum Fyrirtækið Genius hefur hafið sölu á þessu snilldar tæki. Þetta er Digital glósublað með innbyggðu 32mb minni. Þú skrifar glósur með penna og svo eftir daginn þá stingur þú USB snúru í tölvuna þína og tekur inn glósurnar. Græjan kostar um 12.000 krónur og þá fylgir með hugbúnaður, batterí, pennar, USB kapall og leður mappa. Tækið heitir G-Note 7100.
Kóreski tækjarisinn LG hefur sett á markaðinn DVD spilara sem sigrast á staðlastríðinu sem er í gangi. Sumir vilja að HD-DVD taki við af DVD en aðrir vilja að Blu-ray verði notað í framtíðinni. LG hefur ákveðið að bíða ekki lengur og setur þennan spilara á markaðinn sem spilar bæði kerfin. Spilarinn kostar sem svarar 84.000 krónum í USA.
| ||
63 fyrirspurnir. 0.496 sekúndur. | ||
Síðustu komment