|
|
||
|
|
Desk Phone Dock kemur á markaðinn í næsta mánuði. Þetta er klárlega ekki þessi venjulegi aukabúnaður en þetta er annars bara venjuleg dokka. Þú hleður símann og tengir hann við tölvuna og getur svo tekið símtöl “á gamla mátann”. Reyndar er þetta líka handfrjáls búnaður og einnig er hægt að nota hátalarann til að spila músik í hallæri.  iPhone dokka með tóli  KTM rafmagnshjól Austuríski mótorhjólaframleiðandinn KTM, ætlar að frumsýna nýja línu af mótorhjólum á alþjóðlegu mótorhjólasýningunni í Tokyo á morgun. 2 hjól verða kynnt og segir KTM að þessar frumgerðir séu mjög líkar því sem að almenningur geti keypt eftir nokkur misseri. Nýja línan gengur undur nafninu “Freeride” og segir KTM að eftirspurn sé eftir umhverfisvænum hjólum á markaðnum í dag. Hjólin muni skila allt að 30 hestöflum og 45 newtonmetrum. Prófanir á hjólinu hafa reynst vel og staðið vel undir væntingum segir Harald Plöckinger hjá þróunardeildinni þeirra.  4G pungurinn Norræna símafyrirtækið Telia hefur sett upp 4G senda á völdum stöðum á Norðurlöndunum. Nú hafa verið gerðar prófanir af sænska tækniblaðinu M3 og niðurstöðurnar eru þær að loksins er hægt að kalla fyrirbærið “þráðlaust breiðband”. Takmarkið er að hraðinn verði 100Mbit/sek en enn sem komið er eru engir símar í almennri sölu fáanlegir með 4G og aðeins um 1000 módem verið framleidd. Nú er kerfið bara komið upp í Stokkhólmi og Osló en til stendur að setja upp senda í 25 borgum í Svíþjóð fyrir árslok 2010 og kostnaðurinn á þessu ári er áætlaður um 8 milljarðar ISK. Kerfið var prófað á venjulegri fartölvu í miðborg Stokkhólms bæði innanhúss og utan. Heildareinkunnin er 7 af 10 en aðallega er það verðið og samhæfni við núverandi tölvur sem dregur einkunnina niður.  Niðurhal fer uppí 36Mbit/sek utanhúss en tæplega 30 innanhúss. Fuji hefur kynnt til sögunnar fyrstu myndavélina sem getur fókuserað sjálfvirkt á gæludýr t.d. hunda og ketti. Í nokkur ár hafa verið á markaðnum myndavélar sem fókusa á andlit fólks, en þetta er fyrsta myndavélin sem finnur trýnið á hundinum þínum, en notast er við svipaða tækni.  Fuji kannast við hvutta Nú er hægt að fá einfalda snúru til að tengja rafmagnsgítar við iPhone og heyrnatól. Með þessu má segja að örlítið upptökustúdíó hafi verið búið til úr símanum, þetta er allavega kjörið til að taka upp hugmyndir sem skjóta upp kollinum með stuttum fyrirvara. Framleiðandinn hetir PRS Cables og kostar snúran bara $29. Svo er hægt að fá nokkur forrit sem t.d. duga til að til að stilla strengina, og svo er hægt að spila undir með annari tónlist til að æfa sig.  Gítarsnúran sem gerir iPhone-inn að stúdíó Lesa meira fyrir myndband Í tugi ára hefur manninn dreymt um að geta flogið. Nú er loksins kominn í almenna sölu tæki sem þú vippar á bakið á þér og flýgur þér hvert sem þú vilt. Tækið heitir Martin Jetpack. Mótorinn er tveggja lítra V4 tvígengismótor sem skilar um 200 hestöflum. Flugtími á einum tanki er um 30 mínútur og er notast við venjulegt bílabensín. Verðið er um $86.ooo sem er svipað og fyrir Porsche 911 Carrera S.  Flottur bakpoki! |
|
|
|
||
Nýlegar athugasemdir