Hlutir.is

Sparaðu tíma og vatn á klóinu

HOA — Mon, 30 Aug 2010 19:18:43 +0000

Tekist hefur að hanna pissuskál sem er bæði pissuskál og vaskur í senn. Vatnið sem notað er til að þvo hendurnar eftir þvaglátið er einnig notað til að sturta niður. Þetta þurfum við að fara skoða þegar kalda vatnið hækkar í verði uppúr öllu valdi. Athyglisvert.

Skýringarmynd

Nokkrar í röð

Ferrari kaffivél

HOA — Fri, 06 Aug 2010 17:47:00 +0000

Þessi snilldar kaffikanna frá Nespresso sem kallast Racepresso er komin í verslanir. Þetta er einfaldlega venjuleg Nespresso kaffikanna sem er vinsælar um allan heim, nema hvað hún lítur út eins og hjálmur merktur Ferrari. Skyldueign á öll Ferrari bílaverkstæði á landinu.

Kaffið kemur með hraði

Fleiri myndir….

Flottur takki

Kúl

Fæst líka í gulu - jibbí

Hjálmur sem líkir eftir hárgreiðslunni þinni

HOA — Fri, 30 Jul 2010 22:10:07 +0000

Hver vildi ekki vera með greiðsluna alltaf beinstífa á krúsinu? Hér er eitthvað sem gæti fengið einn eða tvo ökumenn til að líta við (og kannski keyra á næsta ljósastraur)

reyndar er hægt að fá nokkrar aðrar útgáfur heldur en bara hárgreiðslur… smellið á linkinn hér fyrir fleiri myndir

Límband með húmor

HOA — Sat, 24 Jul 2010 22:07:14 +0000

Þegar Sýslumaðurinn kemur og rekur þig útúr íbúðinni er gott að vera búinn að kaupa svona límband fyrir alla pappakassana

Límband

Komið á kassann

Spilakassi í stofuna heima

HOA — Sat, 17 Jul 2010 17:27:19 +0000

Nú er loksins kominn á markað raunverulegur kostur við að fá sér alvöru spilakassa inní stofu. Kassinn er hannaður og smíðaður af Pinel & Pinel og fæst í 51 lit. Í kassanum eru 60 leikir og margir af þeim bestu frá því á níunda áratugnum svo sem PacMan, 1942 og Space Invaders.

Skjárinn er 1080p LCD og hágæða 400w hljómkerfi með bassaboxi er í kassanum sem er leðurklæddur. Kassinn er einnig hleðslustöð fyrir iPhone en flottast væri en hægt væri að spila leikina úr honum, en svo virðist ekki vera.

Verðið byrjar í 1,5 milljón íslenskar kr. og hægt er að fara með það uppúr öllu valdi með því að sérpanta t.d. liti.

Nokkrir af þeim litum sem eru í boði

Svaaaaaka úr

HOA — Sat, 10 Jul 2010 08:59:44 +0000

Nú er rétti tíminn til að fjárfesta í framúrstefnulegu úri.

Úrið heitir Horological Machine No4 Thunderbolt watch og er framleitt af MB&F. Það er handsmíðað úr títan og safír og tekur rúmlega 100 klukkustudir að búa til botninn í því.

Aðeins 20 úr verða framleidd í ár þannig að nú þarf að hlaupa til. Það kostar 21 milljón íslenskar krónur fyrir utan virðisaukaskatt.

Þessu úri verður annars ekkert líst með orðum og því best að skoða nokkrar myndir og video.

MB&F

Click here to view the embedded video.

Láshjól

HOA — Fri, 09 Jul 2010 14:37:24 +0000

Þetta er sniðug uppfinning í kreppunni, nú þegar nánast öllu er stolið. Reiðhjól sem þarf engan lás, því hjólið er lás. Hjólið er ekki komið í framleiðslu ennþá en hinn 21 árs uppfinningarmaður, Kevin Scott, hjólar alsæll um á frumgerðinni (sjá mynd).

Þá þarf bara að fjölga aðeins ljósastaurunum í borginni svo allir fái stað til að leggja hjólinu sínu á.

Hjólið vafið um staurinn

Svona virkar þetta

Flott borðtölva

HOA — Wed, 07 Jul 2010 13:33:31 +0000

Lenovo ætlar að setja í almenna sölu nýja flotta tölvu seinna í mánuðinum. Hún ber nafnið IdeaCentre A310 og er bara nokkuð hugguleg.

Hún er nánast eins og fartölva með stóran skjá á súlu fyrir ofan og þráðlausu lyklaborði og mús. Inní henni er 2.26GHz dual Core og 45nm grafískt kort.

Mestu vonbrigðin svona fyrirfram eru kannski þau að geisladrifið er utanáliggjandi

HugmyndaMiðstöðin frá Lenovo

Piparsveinar athugið

HOA — Tue, 06 Jul 2010 09:28:52 +0000

Svona stóll er nauðsynlegur í hvaða piparsveinaíbúð sem er. Þetta er algjör ísbrjótur í matarboðum og skvísusegull í partíum.

Í stólnum eru 200 metrar af sérstökum vír sem lýsist upp (og þú færð ekki straum). Hægt er að hafa ljósið stöðugt eða blikkandi í takt við tónlistina.

Stóllinn góði

Hentug sólarsella

HOA — Wed, 30 Jun 2010 13:03:21 +0000

Þessi hugmynd er nokkuð góð. Reyndar er þessi sólarsella ekki komin í framleiðslu en það hlýtur að styttast í það. Sólarsellan er sveigjanleg og bundin inní ólina sem allir kannast við þegar þeir hengja myndavélina um hálsinn.

Nú ætti að vera meira pláss í töskunni fyrir vatn ef maður ætlar í vikutúr í eyðimörk.

Meistari Jón Gnarr mun líklega styðja þetta framtak, enda “innlend” orka.