Hlutir.is

iPhone tekur upp gítaræfingar

HOA — Sun, 14 Mar 2010 18:16:29 +0000

Nú er hægt að fá einfalda snúru til að tengja rafmagnsgítar við iPhone og heyrnatól. Með þessu má segja að örlítið upptökustúdíó hafi verið búið til úr símanum, þetta er allavega kjörið til að taka upp hugmyndir sem skjóta upp kollinum með stuttum fyrirvara. Framleiðandinn hetir PRS Cables og kostar snúran bara $29.

Svo er hægt að fá nokkur forrit sem t.d. duga til að til að stilla strengina, og svo er hægt að spila undir með annari tónlist til að æfa sig.

Gítarsnúran sem gerir iPhone-inn að stúdíó

Lesa meira fyrir myndband

Fyrsti þotubakpokinn í almennri sölu

HOA — Thu, 11 Mar 2010 11:32:19 +0000

Í tugi ára hefur manninn dreymt um að geta flogið. Nú er loksins kominn í almenna sölu tæki sem þú vippar á bakið á þér og flýgur þér hvert sem þú vilt.

Tækið heitir Martin Jetpack. Mótorinn er tveggja lítra V4 tvígengismótor sem skilar um 200 hestöflum. Flugtími á einum tanki er um 30 mínútur og er notast við venjulegt bílabensín.

Verðið er um $86.ooo sem er svipað og fyrir Porsche 911 Carrera S.

Flottur bakpoki!

Handhægur upptakari

HOA — Wed, 10 Mar 2010 14:24:42 +0000

Drekkurðu 7 litlar kók á dag? Drekkurðu 9 bjóra á fimmtudagskvöldi? Hvort sem er þá er rétt að eiga svona úr.

Upptakari á úri

Páskaföndrið ?

HOA — Mon, 08 Mar 2010 11:05:34 +0000

Þessi flokkur af gúmmibirnum er kominn með nýtt hlutverk í lífinu. Þeir eru orðnir að ljóskrónu.

Gúmmibirnir

Draumur iðnaðarmannsins

HOA — Sun, 07 Mar 2010 13:00:31 +0000

Stanley hefur sett á markað alvöru iðnaðarmannagræju. Alvöru kraftmikil hljómflutningstæki með útvarpi, iPod stöð, USB og SD tengi. Einnig er úttak fyrir 12 volta sígrettukveikjaratengi, 5 stk USB hleðslutengi og fleira.

Stanley útvarp

Svarthöfða speglakúla

HOA — Sat, 06 Mar 2010 13:00:19 +0000

Af hverju ættu speglakúlur að vera hnöttóttar? Eiginlega er engin ástæða fyrir því lengur.

Diskókúla

Margnota skurðarbretti

HOA — Wed, 03 Mar 2010 10:30:11 +0000

Þetta er sniðugt. Kostar bara 20 Evrur stykkið og hægt að nota við mörg tækifæri. Þetta heitir Puzzleboard og kemur frá Hollandi.

Púslubrettið

Fyrsta OLED sjónvarpið í Evrópu

HOA — Tue, 02 Mar 2010 09:06:53 +0000

Loksins er komið að því að OLED sjónvarp komi á markaðinn í Evrópu. LG setur þetta sjónvarp á markaðinn í Austurríki og fleiri Evrópulöndum í maí og svo í Bandaríkjunum í sumar. OLED tæknin gefur kost á því að hafa sjónvarpið aðeins 3 mm á þykkt og orkunotkunin er mjög lítil. Nú þegar LED sjónvörp eru farin að sjást í Evrópu í allt uppí 52″ og kosta ennþá talsvert meira en LCD sjónvörp má segja að þessi tækni sé næsta kynslóð á eftir LED. Sjónvörpin eru mjög dýr (ennþá) og eingöngu er fáanlegt þetta 15″ sjónvarp sem kostar um 2.000 Evrur eða nálægt 350 þúsund kalli.

Skerpan er 10.000.000:1 og svartíminn er 0.01ms

15" OLED tæki frá LG

Porsche uppfærir græjurnar sínar

HOA — Sun, 28 Feb 2010 21:14:44 +0000

Porsche hefur gefið út myndir af 2011 árgerðunum af 911 og Cayenne. Cayenne jeppinn er mest selda tegundin hjá framleiðandanum og er nú útlitið tekið í gegn. Óhætt er að segja að það sé vel lukkað. Einnig er fréttnæmt þar eru nýjar vélar. Annarsvegar diesel vél og hinsvegar blendingur sem bensín og rafmótorum. Aðrar vélar eru eyðslugrennri en þær voru og Turbo S bíllinn er nú 500 hestöfl. Blendingurinn er með V6 mótor og samtals 333 hestöfl

Nýr Cayenne

911 bílarnir hafa einnig verið uppfærðir nú er 911 Turbo S bíllinn orðinn 530 hestöfl og togið er 516 lb-ft (sem er vangefið mikið). Bíllinn er nú 3,3 sek í hundrað og 10,8 sek í 200. Hámarkshraðinn er 312 km/klst.

Nýr 911

iPad frá Apple

HOA — Thu, 28 Jan 2010 21:15:28 +0000

Apple kynnti í gær nýja tegund af tölvu sem þeir telja að eigi eftir að breyta því hvernig við njótum internetsins. Tölvan kallast iPad og er örþunn og öflug. Hún er með u.þ.b. 10 tommu snertiskjá (24,6 cm) og 10 klst líftíma batterís. Notendaviðmótið er líkt því sem þekkist frá iPhone og iPod touch en þó verður stærri skjárinn nýttur betur t.d. í póstforritinu Mail og stuðningi við iWork skrifstofuforritin. Apple mun einnig kynna iBooks bókabúðina í iTunes og keppa þar við hið svarthvíta Kindle frá Amazon.

iPad tölvan frá Apple

Boðið verður uppá 3 stærðir á hörðum disk, 16,32 og 64 GB og allar tölvur verða með 802.11 N WiFi en hægt verður að fá þær einnig með 3G tengingu við netið.

Tækið verður með lyklaborði á skjánum en einnig verður hægt að tengja venjuleg lyklaborð við það í gegnum Bluetooth. Ekki er stuðningur við Flash frekar en í iPhone og kom það mörgum á óvart. Apple segir hugbúnaðinn ekki nógu stöðugan og eyðslufrekan á örgjörva, einnig verði hann úreldur fljótt þegar HTML 5 staðallinn verður orðinn algengari.

Ljóst er að leikjaæðið sem iPhone hefur komið af stað er rétt að byrja. Leikjaupplifunin verður enn magnaðari með þessari græju. Einnig verða margir sem eiga eftir að upplifa bíómyndir, sjónvarpsþætti, ljósmyndir, vefi og margt annað á nýjan og magnaðan máta.