Hlutir.is » Sjónvörp

iPad frá Apple

HOA — Thu, 28 Jan 2010 21:15:28 +0000

Apple kynnti í gær nýja tegund af tölvu sem þeir telja að eigi eftir að breyta því hvernig við njótum internetsins. Tölvan kallast iPad og er örþunn og öflug. Hún er með u.þ.b. 10 tommu snertiskjá (24,6 cm) og 10 klst líftíma batterís. Notendaviðmótið er líkt því sem þekkist frá iPhone og iPod touch en þó verður stærri skjárinn nýttur betur t.d. í póstforritinu Mail og stuðningi við iWork skrifstofuforritin. Apple mun einnig kynna iBooks bókabúðina í iTunes og keppa þar við hið svarthvíta Kindle frá Amazon.

iPad tölvan frá Apple

Boðið verður uppá 3 stærðir á hörðum disk, 16,32 og 64 GB og allar tölvur verða með 802.11 N WiFi en hægt verður að fá þær einnig með 3G tengingu við netið.

Tækið verður með lyklaborði á skjánum en einnig verður hægt að tengja venjuleg lyklaborð við það í gegnum Bluetooth. Ekki er stuðningur við Flash frekar en í iPhone og kom það mörgum á óvart. Apple segir hugbúnaðinn ekki nógu stöðugan og eyðslufrekan á örgjörva, einnig verði hann úreldur fljótt þegar HTML 5 staðallinn verður orðinn algengari.

Ljóst er að leikjaæðið sem iPhone hefur komið af stað er rétt að byrja. Leikjaupplifunin verður enn magnaðari með þessari græju. Einnig verða margir sem eiga eftir að upplifa bíómyndir, sjónvarpsþætti, ljósmyndir, vefi og margt annað á nýjan og magnaðan máta.

Flathátalarar

HOA — Sat, 08 Dec 2007 13:06:01 +0000

Nú er flatt í tísku (í sumum skilningi) þannig að framleiðendur eru farnir að hugsa útfyrir imbakassann. Flatir hátalarar eru sjálfsögð þróun á eftir sjónvörpunum. Þessir nýju hátalarar eru 2.5 cm á þykkt en á stærð við skilrúm og henta vel í sjónvarpsherbergið hengdir á vegg.

Hátalarnir heita Podium 1 og kostar parið $8.000 eða um hálfa milljón króna þannig að þeir hljóta að hljóma vel.

Alvöru LCD tæki

HOA — Fri, 19 Oct 2007 09:38:07 +0000

Gæðin á LCD og Plasma tækjum geta verið mjög mismunandi. Upplausnin og skerpan er stundum ekkert skárri en í gömlu túbutæki. Samsung hefur sett á markað flott tæki sem er samkeppnishæft í verði. LE46F86BD er vörumerkið, kannski ekki rosalega gott nafn en bíðið bara eftir upptalningunni í innihaldinu.

46 tommur
1920 x 1080 = full HD upplausn
1080p þéttni í 24 römmum á sek = Blu-ray í fullum gæðum
100Hz Motion Plus örgjörvi = fullkomnar hreyfimyndir
3 stykki af HDMI 1,3 raufum
nánast ósýnilegir hátalarar og gott sánd
snertitakkar á tækinu sjálfu til að hækka og lækka
Svart glansandi lúkk
+ allt hitt
Verð: 199.999 (í Bretlandi

19mm þykkt sjónvarp

HOA — Thu, 04 Oct 2007 08:56:35 +0000

Keppnin í sjónvarpsbransanum snýst nú einna helst um að koma með sem þynnstan skjáinn á markað. Nú var Hitachi að kynna nýjan skjá á CEATEC sýningunni. Skjárinn er í HD upplausn og 32″ og stóru fréttirnar eru: hann er 18,8mm þykkur!!

Apple TV fær ágæta dóma

HOA — Thu, 22 Mar 2007 22:20:34 +0000

Krakkarnir hjá Engadget eru búnir að prófa nýja Apple TV-ið sem lengi hefur verið beðið eftir. Þetta þykir hin fínasta græja en gallarnir eru nokkrir. Á meðal kosta sögðu þeir að uppsetning og upphafsskrefin væru mjög auðveld. Allt viðmót er eins og í iTunes enda er það notað sem aðal stjórntækið. Einnig eru gæðin góð, hraðinn mjög góður og t.d. ljósmynda-showið rosaflott.

Gallarnir eru hins vegar þeir að maður verður að vera með WideScreen sjónvarp og verða sjónvarpsþættir og tónlistarmyndbönd frekar asnaleg í laginu eftir að búið er að skala það niður í 720punkta. Einnig er galli að ekki er hægt að horfa á .avi fæla í sjónvarpinu !! Maður verður að umbreyta þeim í H.264 staðalinn sem iPod (og iTunes) notar. Þetta er einmitt staðallinn sem iTunes verslunin í USA selur myndirnar sínar í. iTunes verslunin er auðvitað ekki aðgengileg frá Íslandi. Umbreytingin á gamla myndasafninu sínu tekur svo langan tíma að maður nennir engan veginn að standa í því.

Svo er það verðið. Apple búðin segir að Apple TV muni kosta 39.900 og koma um miðjan apríl.

108 tommu sjónvarp !

HOA — Mon, 08 Jan 2007 21:09:20 +0000

Fyrir tæpum mánuði síðan sögðum við frá 103 tommu plasma skjá frá Panasonic en nú hefur Sharp gert enn betur. 108 tommur LCD sjónvarp var kynnt á CES sýningunni í Las Vegas í dag.

Skjárinn er 235cm á breidd og 132 cm á hæð og er með Black Advanced Super View Full-Spec HD LCD skjá sem er framleiddur í Kameyama í Japan.

Sharp þróaði fyrsta LCD litasjónvarpið í heimi fyrir nokkrum árum, reyndar var það árið 1988 og var sjónvarpið 14 tommur Þeir hafa náð fleiri stærðarmetum síðan ‘88 en þeir kynntu 45 tommu LCD árið 2004 og svo fyrstu 65 tommuna.

Skjárinn er ekkert slor heldur, hann er með 4 sinnum meiri upplausn en það sem telst vera HD í dag (4096 x 2160) og contrast ratio-ið er 1.000.000:1. 120 riða vinnsla og 4ms svörun.

Fullt af nýjungum á CES sýningunni í Las Vegas

HOA — Mon, 08 Jan 2007 20:23:28 +0000

Buffalo kynnti nýja árgerð af LinkTheater línunni sinni í dag. LinkTheater Wirelss A&G Media Player PC-P4LWAG. Þetta er sem sagt tæki sem þú hefur við sjónvarpið þitt til að sýna í því myndir sem geymdar eru í tölvunni þinni eða á hörðum disk (svipað og iTV frá Apple). Hægt er að tengjast við það þráðlaust yfir 802.11a/g, ethernet og USB 2.0.
S-video, D4 og fleiri útgangar eru svo í græjunni. Stýrikerfið er Mediabolic og styður það spilun á MP3, WMA, AAC hljóðskrám og MPEG 1/2/4, WMV 7/8/9, XviD og h.264 myndskrár.

Kemur iTV frá Apple í þessum mánuði?

HOA — Wed, 03 Jan 2007 21:39:58 +0000

Apple hefur tilkynnt um að þeir ætli að setja iTV á markað en ekki gefið tímasetningu á tækið. Nú lítur út fyrir að tíminn sé kominn. Hvort sem nafnið iTV verður notað eða ekki mun græjan mæta í hilluna í Apple búðum í janúar eða í byrjun febrúar samkvæmt nýjustu fréttum. Hugsanlega verður formleg tilkynning á MacWordExpo sýningunni í næstu viku.

iTV er tæki sem sýnir allar myndir og spilar tónlist í venjulegu sjónvarpstæki. Miklir tengimöguleikar eru á græjunni t.a.m eru þráðlaust netsamband við allar tölvurnar í húsinu þannig að þú getur spilað bíómynd af tölvu sem er í öðru herbergi. Einnig er talað um að streyma myndir beint frá iTunes (gegn gjaldi) en það hefur ekki verið staðfest.

Apple ætlar sér stóran hlut af kvikmyndakökunni, eins stóran og þeir hafa nú af tónlistarkökunni, þannig að vandað verður til verka með þetta tæki. Samningar við Disney hafa verið ræddir en ekki staðfestir.

Tækið keyrir á sérstakri útgáfu af Mac OS stýrikerfi og hefur tengimöguleika við gamla imbakassa og nýjustu HD plasma tækin (HDMI).

Allt er stærra í Texas

HOA — Wed, 13 Dec 2006 20:10:43 +0000

Ameríska fótboltaliðið Dallas Cowboys eru að byggja sér nýjan leikvang sem er verkfræðisnilld frá upphafi til enda. Leikvangurinn verður stærsti yfirbyggði leikvangur í heimi og verður auk þess stærsta súlulausa herbergi í heiminum. Svo verður skjár sem hangir yfir miðju grasinu stærsti sjónvarpsskjár í heimi. Reyndar verða það 4 skjáir sem vísa hver í sína áttina. Til endanna verða minni skjáir eða 15×7 metrar en hinir stærri verða 60×14,4 metrar. Það reiknast uppí 864 fermetra hver skjár. Það gerir 2.241 tommu skjár.

Maður þarf bara að anda djúpt….

Stærsti skjárinn í heiminum í dag er á kappakstursbrautinni í Tokyo en hann er aðeins 750 fermetrar.
Texas búar eru nú þegar farnir að kvarta yfir hækkuðu miðaverði á vellina.