iPhone var formlega kynntur til sögunnar í janúar síðastliðnum á Macworld sýningunni í San Fransisco eftir að hafa verið slúðrað um hann í 3 ár. Slúðrið hélt áfram og óhætt er að segja að yfirstaðin er einhver magnaðasta markaðssetning seinni ára. 270.000 stykki seldust fyrsta sólarhringinn í USA í lok júní og síminn er væntanlegur útfyrir Bandaríkin á næstu vikum.

Við hjá Hlutir.is erum búnir að vera með iPhone í notkun núna í heila viku. Síminn var prófaður fram og til baka og til að gera langa sögu stutta þá er niðurstaðan: frábær græja.

iPhone er gjörsamlega eins og hugur manns. Notendaviðmótið er frábært og eiginlega betra en maður þorði að vona þrátt fyrir allt hæpið í kringum hann fyrir útgáfu. Þó svo síminn sé tveimur kynslóðum á undan öðrum lófatölvum þá er maður fljótur að auka kröfurnar og finnur strax nokkra “galla” sem má laga. Nánar að því síðar.

Síminn sjálfur

Síminn er 115 mm x 61 mm x 11,6 mm og vegur um 135 grömm. Smíði hans er einhver sú fallegasta á raftæki sem maður hefur séð. Glæsilegur frágangur, efni og útlit.
Innbyggt minni er 8Gb (einnig hægt að fá 4 GBb og er hann með Li-Ion batteríi. í honum er Quad band, GPRS, EDGE, Bluetooth, WiFi (með VPN möguleika), Java, Safari vafri, YouTube spilari, iPod, Mail tölvupóstur, reiknivél, dagatal, myndasafn, myndavél, Google earth landakort (veftengt) og Fjöltóna- og rauntónahringing ásamt nokkrum smærri forritum. Skjárinn er snertiskjár og upplausnin er 160punktar á hverja tommu. 3,5 tommur horn í horn og upplausin er 480×320.

Uppsetning:

Ágætlega gekk að setja upp símann, það tók rétt rúma klukkustund að opna (hakka) hann og var farið eftir leiðbeiningum á nokkrum vefsíðum (firmware 1.0.2). Síminn var syncaður í gegnum iTunes 7.4.1 og komu allir contactar, dagatal og bookmarks inn eins og skot.
Notast var við PowerBook með 1ghz örgjörva og USB 1 porti. Í póstinum voru 4 IMAP accountar og komu þeir einnig inn. Pósturinn var stilltur þannig að hann tékkar á pósti á 30 mínútna fresti (þú velur milli 15, 30 eða 60 mín) og notar hann WiFi ef það er til staðar en annars notar hann EDGE.

Setja þarf inn lykilorðið á þráðlausa netið og stilla APN-ið í GPRS-inu (gprs.is hjá Vodafone).

Sniðugt væri ef hljóðið sem kemur þegar nýr email kemur komi bara milli 08 og 22 á daginn !!

Síminn kom hlaðinn að hluta en annars er hann hlaðinn með USB snúru annaðhvort í gegnum tölvutenginu eða beint í spennubreyti sem fylgdi með. Batteríið dugaði nú ekki lengi fyrstu dagana, enda verið að nota símann nánast stanslaust allan daginn Nú er batteríið farið að duga í 2 daga.

Virkni:

Snertiskjárinn á iPhone er það svalasta í heimi. Hann lætur skrunhjólið hjá Blackberry líta út fyrir að vera 25 ára gamalt. Með einum putta getur þú flett í gegnum atriði á skjánum og með tveimur puttum getur þú súmmað inn og út, bæði í myndum, vefsíðum og tölvupósti. Þetta er í raun og veru mús með skrunhjól og súmmtakka allt blandað saman í eitt miklu flottara tæki. Í skjánum er nálægðarskynjari sem slekkur á skjánum þegar hann er 2 cm frá eyranu á þér svo þú snertir ekki óvart einhvern takka. Einnig er stöðuskynjari sem áttar sig á hvernig tækið snýr og færir myndina sjálfkrafa úr Landscape í portrait þegar við á.

Síminn:

Síminn sjálfur er náttúrulega alger snilld. Maður getur valið úr öllum í addressubókinni og einfaldlega “snert” þá til að hringja. Svo er flýtivalmynd þar sem hægt er að velja uppáhaldscontacta, nýlegar hringingar, alla contacta, númeravalmyndina og talhólfið. Talhólfið reyndar virkaði ekki en ég hef hvort sem er aldrei notað talhólf.
Gallinn er að síminn er svo þunnur að frekar óþægilegt getur verið að halda á honum lengi uppvið eyrað. Hinn gallinn er að síminn hitnar talsvert þegar maður er búinn að vera einhverjar 10 mínútur á spjalli. Lausnin er að nota heyrnatólin sem fylgja með.
Mjög flott er reyndar hvernig hann slekkur á skjánum á meðan þú talar í símann, en um leið og þú hreyfir símann snögglega þá kemur skjárinn upp í smá stund aftur.

SMS:

SMS viðmótið er stórskemmtilegt og er með útlit svipað og Adium spjall forritið. Þetta er hvetjandi til að senda mikið af skilaboðum líkt og maður sé á MSN og gerir það hluthafana í símfyrirtækjunum ánægða. Ekki er MMS myndskilboð í símanum

Vafrinn:

Safari vafrinn í iPhone-inum er önnur snilldarlausnin frá Apple. Váá, hvar á maður að byrja. Auðvelt er að skoða nánast hverja heimasíðu sem er. Súmmið er svo yndislegt að maður er enn að skoða heimasíður í símanum þó svo að fartölvan sé við hendina. Hann er einnig snjall að átta sig á login síðum og fleira slíkt. Hægt er að skoða fleiri en eina síðu í einu með nýrri útgáfu af Tabs. Reyndar er ekki hægt að skoða Flash, en maður hinkrar eftir uppfærslu.

Pósturinn:

Mail forritið er náttúrulega svipað og í Makkanum. Virkar vel og er þægilegt hvernig breytingarnar fyrir smáskjáinn koma út. Í okkar tilviki sync-uðum við 4 IMAP pósta við fartölvu og komu þeir allir strax inn og ekkert vesen. Manni dettur ekkert í hug sem gæti bætt þetta.
Til að prufa settum við upp nýjan póst með addressu sem var ný, og reyndist það heldur ekkert mál. Ekki var farið í að prófa póstinn frá stóru erlendu fyrirtækjunum, en pósturinn frá Yahoo er víst “ýtt” í símann, þannig að ekki spyr síminn þjóninn um hvort nýr póstur sé kominn, heldur sendir þjónninn póstinn á símann. Búast má við þessari þjónustu hjá öðrum fyrirtækjum fljótlega.

iCal dagatalið:

Fyrir okkur sem nota iCal daglega er þetta frábært viðmót. Fyrir þá sem nota Outlook er sagt að þetti virki vel en það var ekki prófað.

YouTube:
Maður sér vefinn í nýju ljósi með YouTube forritinu. Með því að smella á forritið sér maður flotta vasaútgáfu af valmyndinni og þegar myndbandið er valið birtist það yfir allan skjáinn á hlið þannig að maður sér stóra og skýra mynd.

Maps:

Þarf að segja eitthvað meira. Maður er einfaldlega með veröldina í vasanum og súmmið á skjánum nýtur sín rosalega vel.

Myndir / Myndavél:

iPhone er með 2mp myndavél sem er ágæt. Ekkert flass er á henni en myndin samt þokkalega góð, jafnvel við léleg birtuskilyrði. Einnig er hægt að setja myndir af tölvunni inná símann og synca þau saman. T.d. er hægt að synca við iPhoto eða aðrar myndamöppur.
Myndvinnslan í símanum er líka mjög góð. Hægt er að súmma inn á myndir og croppa út andlit t.d. þegar fólk hringir í mann að maður sjái nú hver það er. Mjög flott er hvernig hægt er að snúa símanum og fá myndirnar í landscape eða portrait. Einnig er viðmótið við stjórntækin mjög þægilegt.

Hlutabréf:

Lítið forrit er um hlutabréf sem einhverjir þekkja úr Dashboard. Forritið og mjög flott og gerir akkúrat það sem þarf, gefur manni núvirði á hlutabréfum, sýnir breytingu innan dags í punktum og prósentum. Einnig er línurit yfir undanfarin misseri. Gallinn er að íslensk hlutabréf eru ekki enn komin á listann hjá Yahoo sem veitir þessa þjónustu.

Veðrið:

Veður forritið er svipað og hlutabréfaforritið. Það tengt Yahoo og eru flest krummaskuð á Íslandi þar inni. Forritð sýnir núverandi veður og hitastig ásamt spá fyrir næstu vikuna.

Klukkan:

Klukkan í símanum er nokkuð sniðug. Hún sýnir hvað klukkan er og það í öllum tímabeltum.
Hún reyndar sýnir ekki hvað klukkan er þegar síminn er læstur og þarf að ýta á einhvern takka til að fá upp tímann. Annars er alltaf klukka efst fyrir miðju í öllum forritum.
Vekjaraklukkan er líka góð. Það tekur skamma stund að komast inní hana og svo er hægt að hafa nokkrar tímasetningar fyrirfram valdar svo maður verði enn fljótari að velja.
Einnig er flott skeiðklukka með hringjatímum og niðurteljari, þannig að allir ættu að finna eitthvað við sitt hæfi.

Reiknivél:

Reiknivélin er algjörlega einföld og fín.

Glósur:
Glósukerfið er kunnulegt úr Makkanum. Einfalt og þægilegt.

iPod:

Síðast en ekki síst er iPod-inn. Nýjasta stýrikerfið er hrikalega flott. Cover-flow og allt sem er best bara að prófa. Orðin fá því ekki líst.

Verð:

Síminn kostar $399 dollara í USA. Ágiskun er á 69.900 þegar hann er kominn formlega í búðir á Íslandi.

Verðið á niðurhali hjá Vodafone er:

og notkun okkar hefur verið um 0.5 mb á dag undanfarna daga, þannig að það borgar sig fyrir mann að fá sér 49mb á 2.400 á mánuði. Þetta er miðað við að pósturinn er stilltur þannig að hann athugar stöðuna 1 sinni á klst og oftast er hann í sambandi við þráðlaust net (sem kostar ekkert). Í símanum er mælir á GPRS notkun.
Sniðugt væri ef hægt væri að láta póstinn athuga stöðuna á 15 mín fresti ef það er WiFi samband annars á 60 mín fresti.

Möguleikar og virkni:

Bluetooth er hægt að tengja við þráðlaus eyrnatól.
Takkar utaná símanum eru aðeins 3. Einn hækkar og lækkar hringingu og hljóð. Einn slekkur og kveikir á símanum eða setur skjáinn í biðstöðu. Sá þriðji eð silent flipi sem er frábær nýjung.
Heyrnartólin eru líka mjög góð. Gott sánd, góður míkrafónn og allt sem við var að búast.

Kostir:

Gallar:

Íslenskir stafi vantar, þeir komu í útgáfu 1.1.1 en ekki er búið að hakka hana ennþá

Niðurstaða:
Ekkert skrítið að Apple hafi selt yfir milljón síma í USA á tæpum mánuði. Það er hreinlega upplifun að nota þetta tæki og ekki þetta 3 klst bliss sem fylgir flestum tækjum heldur virðist það ætla að vara í nokkrar vikur.
Einkunn:
5 af 5

Síminn sjálfur

Síminn er 110mm x 69,5mm x 19,5mm og vegur um 134gr. Innbyggt minni er 64mb og er hann með Li-Ion batteríi. í honum er Quad band, GPRS, EDGE, Bluetooth, USB tengi, MMS, Java, Vafri, Fjöltóna- og rauntónahringing.

Uppsetning:

Ágætlega gekk að setja upp símann, við settum upp tölvupóstinn í versluninni áður en hann var afhentur og virkar hann ágætega. Pósturinn er sóttur á 15 mínútna fresti og hægt er að stilla hvort það komi hljóð, víbringur eða ljós þegar nýr póstur kemur.
Þemað á valmyndum (theme) var nokkuð flatt og leiðinlegt í upphafi þannig að valið var að nota BB-Dimenson-icon sem var talsvert flottara.

Síminn er hlaðinn með hleðslutæki sem er stungið í USB raufina. Einnig hleðst hann þegar verið er að synca með USB snúrunni. Batteríið dugar í 4-6 daga.

Við prófuðum að tengja símann við Makka og gekk það ágætlega. Það þurfti að installa Samstillingarforriti (sync) af heimasíðu Blackberry en það var lítið mál. Address bókin kom fljótt inn en einhver vandamál komu upp með Dagatalið sem ennþá á eftir að leysa. Tengingin við PC tölvu var frekar auðvelt og tók um 15 mínútur.

Virkni:

Síminn sjálfur virkar ágætlega. Auðvelt er að leita í símaskránni og þægilegt að hringja og svara.
Vafrinn er ekki góður. Hægt er að redda sér ef maður þarf nauðsynlega að kíkja á einhverja heimasíðu.
SMS og email. SMS og email virka ágætlega fyrir utan íslensku stafinu. Til að finna íslenska stafi þarf að halda niðri staf á lyklaborðinu og scrolla svo hjólinu á hliðinni. Aðra stafi er maður mjög fljótur að slá inn og maður er mjög fljótur að ná tökum á QWERTY lyklaborðinu. Annar galli við SMS og email er að þau blandast saman og maður sér engan mun á þeim. T.d. þegar maður svarar skeyti veit maður ekki hvort maður var að senda SMS eða email.
Vodafone LIVE var ekki prófið mikið. Einhverjar fréttir sáust þar og voru þær snöggar að koma upp og snyrtilegar. Aðrar fréttir kostaði allt að 99 krónur að skoða og við tímdum því ekki
Vekjaraklukkan er rosalega fullkomin, eiginlega of fullkomin. Maður þarf að lesa yfir alla möguleikana nokkrum sinnum svo hún hringi örugglega morguninn eftir. Betra væri að hafa hana einfalda.
Einn leikur fylgir með, það er BrickBreaker sem er ágætis afþreying en skrunhjólið er ekki gott til að stýra í leikjum og eyðileggur það því ánægjuna.

Forsíðan er frekar léleg á símanum. Engar upplýsingar koma þar fram heldur eingöngu íkon yfir hina ýmsu hluti sem sjaldan eru notaðir. Allt of mikið er af íkonum og þarf maður oft að skrolla heilmikið til að leita að þeim möguleika sem til stendur að nota. Betri væri ef síminn myndi sína yfirlit yfir nýjustu pósta og síðustu símtöl á forsíðunni og svo myndi maður velja stjórnborðið eftir það.
Verð:

Síminn kostar 49.900 hjá Vodfone og notkun kostar 1850 krónur á mánuði óháð gagnamagni. Innifalið er leðurhulstur og handfrjáls búnaður.

Farið var með símann til Danmerkur og virkaði hann ágætlega þar. Emailar komu og hægt var að senda þá líka. Upplýsingar um verð frá Vodafone voru þannig að það kostar 4 krónur hvert Kílóbit. það segir manni nú lítið og fróðlegt verður að sjá reikninginn um næstu mánaðarmót.

Kostir:

• Stór skjár

Gallar:

• Batterískvarðinn ekki nógu nákvæmur. Sýnir 1/4 af batterí og svo alltíeinu er hann tómur án hljóðmerkja.
• Íslenskir stafir, flókið að fá þá upp
• Skrunhjólið. Annaðhvort elskar þú það eða hatar.
• Of mikið af íkonum á valmyndinni.
• SMS og tölvupóstar koma í blandast saman.

Niðurstaða:

Síminn er frekar leiðinlegur þegar á heildina er litið. Líklega er betra að nota venjulegan síma með email þó það sé erfitt að skrifa langa pósta.