Hlutir.is » PC

Flott borðtölva

Ritstjóri — Wed, 07 Jul 2010 13:33:31 +0000

Lenovo ætlar að setja í almenna sölu nýja flotta tölvu seinna í mánuðinum. Hún ber nafnið IdeaCentre A310 og er bara nokkuð hugguleg.

Hún er nánast eins og fartölva með stóran skjá á súlu fyrir ofan og þráðlausu lyklaborði og mús. Inní henni er 2.26GHz dual Core og 45nm grafískt kort.

Mestu vonbrigðin svona fyrirfram eru kannski þau að geisladrifið er utanáliggjandi

HugmyndaMiðstöðin frá Lenovo

Lyklaborð með sniðuga hönnun

Ritstjóri — Mon, 15 Jun 2009 19:54:35 +0000

Þetta lyklaborð kemur skemmtilega á óvart. Það er hannað með LCD snertiskjá á hægri hluta þess sem bæði er músarflötur líkt og á fartölvu og hins vegar talnalyklaborð. Gripurinn kostar aðeins $69 og fæst hér.

fleiri myndir fyrir neðan.

Lyklaborðið er með tveggja putta eiginleika eins og í Makka.

Frumleg hönnun hjá Lenovo

Ritstjóri — Sat, 21 Mar 2009 10:39:15 +0000

Lenovo er að undirbúa framleiðslu á þessari nýstárlegu fartölvu sem kalla mætti veskistölvu. Ekki eru þeir búnir að gefa út miklar upplýsingar um hana en myndirnar segja manni að þarna séu QWERTY lyklaborð og snertiskjár…. spennandi.

Tölvan hefur vinnuheitið Yoga.

Dell hermir eftir Apple (einu sinni enn)

Ritstjóri — Fri, 20 Mar 2009 09:46:45 +0000

Dell kallar hana Adamo 9 og er hún greinilega eftirherma af MacBook Air. Þeir hafa sleppt svörtu plastumgjörðinni og ódýru skrúfunm og ætla að leggja smá metnað í eftirhermuna í þetta skiptið. Endanleg útfærsla er ekki staðfest en líklega verður innbyggt 3G kort og GPS (!).

BMW hannar tölvu

Ritstjóri — Wed, 11 Mar 2009 20:18:47 +0000

BMW DesignworksUSA er sjálfstætt dótturfélag bæverska bílaframleiðandans BMW. Fyrirtækið hefur hannað snekkjur, lestar, kaffikönnur, hátalara og nú bætist þessi forláta tölvukassi í hópinn. Kassinn var hannaður í samvinnu við Thermaltake og ber vott um nokkuð frumstæða og skemmtilega hugsun. Allir hlutar kassans eru sjálfstæðir þannig í raun og veru er þetta grind frekar en kassi.

BMW frumsýndi gripinn á CEBIT sýningunni um daginn og hefur hann fengið nafnið “Level 10″.

Dell komnir með XPS One í verslanir

Ritstjóri — Sat, 17 Nov 2007 12:47:47 +0000

Dell hefur hafið sölu á XPS One í Bandaríkjunum. Tölvan er nokkuð lík hugmyndinni um iMac þ.e. tölvan og skjárinn eru eitt og sama stykkið. Tölvan er nokkuð dýrari en samsvarandi makki ef hægt sé að bera það saman. Tölvan er með 20″ skjá, 2GB DDR2 minni, öflugum Inter Core 2 Duo örgjörva (E6550), Bluetooth 2.0, 8 korta kortalesara, 802.11a/b/g/n WiFi, 256MB ATI Radeon HD 2400 PRO skjákort og 500GB SATA harður diskur. Svo er hægt að fá Blu-ray brennara, sjónvarpskort og fleira. Tölvan hlýtur að mæta til landsins fyrir jól.

Verðskráin hjá Dell í USA

Fleiri myndir ….

gSíminn staðfestur

Ritstjóri — Mon, 05 Nov 2007 17:17:51 +0000

Ameríska stórfyrirtækið Google hefur staðfest Google Símann og mun hann koma út innan árs. Hafa sögusagnir verið nokkuð lengi í gangi en nú hefur það verið staðfest. Ekki er víst að síminn muni heita Google Phone en hann verður með allsérstöku sniði. Hann verður byggður á Linux stýrikerfi og með Java og verður Open Source. Þannig munu ýmis fyrirtæki koma að hönnun símans þ.á.m. HTC, LG, Motorola og Samsung. Í Bandaríkjunum munu Sprint og T-Mobile selja SIM kort í hann og stefnt er að því að koma út um allan heim á sama tíma.

34 fyrirtæki koma að þróun símans og má þar nefna Nvidia með grafík og Skype með internet síma.

Hönnunarstaðlar verða tilbúnir fyrir forritara eftir viku.

Google verður með auglýsinga einkleyfi í símanum.

Ætli hann muni líta svona út?

Byggt á: CNN, USATODAY og New York Times

Fallegt málefni

Ritstjóri — Tue, 23 Oct 2007 08:55:54 +0000

Zune spilarinn er nú til í takmarkaðri útgáfu. Spilarinn er bleikur og fer allt söluverðið í góðgerðarmál. Jebb, allt söluverðið. Microsoft ætlar með þessu að styrkja Susan G. Komen sjóðinn sem leitar að lausn við brjóstakrabbameini í konum. Málefnið er vissulega gott og fallegt og gjafmildi Microsoft manna er mikið, en mikið er spilarinn ljótur.

Zune spilarinn var svo sem ekki fallegur fyrir í hvaða lit sem er. Reyndar kom á markaðinn um daginn brún útgáfa af honum sem var afskaplega ljót og keppir við þann bleika um ljótustu útgáfuna.

Á einhver Zune spilara? Nennir eitthvað fyrirtæki að flytja þá inn til að selja?

Vel búinn skjár frá DELL

Ritstjóri — Thu, 27 Sep 2007 22:18:21 +0000

Nýji skjárinn frá DELL er nokkuð vel útbúinn og á góðu verði. Hann er 20″ stór og í honum er vefmyndavél (Apple style) og míkrafónn. Hægt er að tengja við hann bæði VGA og DVI snúru og í honum eru 4 USB 2.0 port. Skjárinn er með 1680×1050 upplausn og 2ms svörun.

Besta við þetta allt er svo verðið. Hann kostar aðeins um 19 þúsund kall í Bandaríkjunum og ætti að vera hér á landi undir 30 þúsund (non Apple style).

Fartölvutaska og sólarrafhlaða

Ritstjóri — Thu, 31 May 2007 23:30:25 +0000

Kannski ekki nýtt af nálinni en fróðlegt engu að síður. Dunhill hefur sett á markað tösku sem kostar um 100.000 kall íslenskar í útlöndum. Taskan er með innbyggðu batterí sem hleðst af sólarorku og svo þegar þú setur fartölvuna í töskuna, færist orkan úr innbyggða batteríinu yfir í tölvuna. Einnig er hægt að hlaða farsíma og iPod. Þetta er tilvalið fyrir þá sem eru úti á gangi í sólinni og þurfa svo að nota tölvuna stuttu seinna?!??!. Þess má líka geta að taskan er vatnsheld.