Hlutir.is » Net

Sweeeet

Ritstjóri — Sat, 15 May 2010 19:15:04 +0000

Fimmta umferð heimsmeistara keppninnar fer fram á morgun, en í dag voru keyrð qualify race og eitt moto hjá stelpunum. Bryndís frænka var að keppa, og endaði í 28.sæti. Reikna með að eitthvað hafi komið uppá þar sem hún á að vera örugg í topp 20 á góðum degi. Það fór að rigna þegar Mx1 strákarnir voru komnir á línu, og brautin varð mjög drullug og sleip. Kevin “The Kid” Strijbos sigraði MX1 qualify reisið sem er algjör snilld, hann hefur verið meira og minna frá í 3 ár vegna meiðsla, spurning hvort Krakkinn sé kominn aftur í sitt fyrra form ? Skemmtilegustu úrslitin voru hinsvegar í MX2 þar sem tveir vinir mínir voru í topp 4. Það var engin annar en frakkin Steven Frossard #183 á Monster Energy/Pro Circuit/Kawasaki sem vann, og meðleigjandi minn og æfingafélagi úr Belgíu, Nick Triest á Shineray/KTM sem endaði 4. ! Triest kom heldur betur öllum á óvart en bestu árangur hans á árinu er 12.sæti sem hann náði í fyrstu umferðinni í Búlgaríu í apríl.

Steven Frossard vann qualifyid í dag! Myndin er tekin þegar við vorum að æfa í hondapark í apríl.

Nick Triest #75. Nick eignaðist nýja kærustu eftir fyrstu umferðina í Búlgaríu, en í næstu tveim keppnum á eftir, Ítalíu og Hollandi gekk honum mjög illa, og bað liðsstjórinn hann vinsamlegast um að losa sig við kærustuna ef hann vildi halda sæti sínu í liðinu, en liðsstjórinn taldi hana vera að trufla einbeitninguna hans.

Össi, ef þú ert ekki í topp 10 í fyrstu keppninni á Ólafsfirði, þá verðuru vinsamlegast að losa þig við Maríu.

Veit ekki hvort þið kannist við þennan, en hann heitir Billy Laninovich. Hann er ameríkani og var á toppnum í supercross lites flokknum fyrir nokkrum árum. Keyrði m.a. fyrir Amsoil Honda og Factory KTM, einnig þekktur fyrir einu flottustu whippur sem sést hafa. Hann hefur þó síðustu ár þjáðst af þráðlátum meiðslum en kom þó til spánar og keyrði fyrir Aprilia og mun einnig keyra fyrir þá í Ameríska GP-inu í Glen Helen. Billy endaði qualify race-ið í 28.sæti af 33.

Smá drulla. Pourcel endaði 10. í dag.

Bíð spenntur eftir keppninni á morgun, hægt er að horfa á hana á www.freecaster.tv eða á Motors TV.

WiFi iPod stöð

Ritstjóri — Mon, 14 May 2007 23:07:59 +0000

Nú er komin á markað í Kóreu þessi sniðuga hleðslustöð fyrir iPod. Þú getur nú sett iPodinn í stöðina og hlaðið batteríið og tengt litla hátalara við stöðina. Einnig geturðu haft þráðlaus samskipti við iPodinn úr tölvunni þinni, sem sagt sett lög inná hann, spilað úr honum í græjunum þínum (ef þú ert með airport express) og þetta helsta…

Verðið er ekki komið á hreint þegar þetta er skrifað

www.mondosystem.com

Sniðug lausn á snúruvanda

Ritstjóri — Tue, 03 Apr 2007 18:18:52 +0000

Belkin hefur framleitt aukahluti fyrir iPod í nokkur ár auk þess að vera með USB höbb og fleira. Þeir eru að koma með nýja línu á markaðinn af höbbum/dósum í skrifborð. Þetta getur verið bráðsnjallt eins og myndirnar gefa til kynna. Höbbarnir eru til bæði í 5cm og 7,5cm þvermáli. Verðið verður líklega um $40 í USA en óvíst er hvenær þetta kemur í búðir, en það verður fljótlega.

Fullt af nýjungum á CES sýningunni í Las Vegas

Ritstjóri — Mon, 08 Jan 2007 20:23:28 +0000

Buffalo kynnti nýja árgerð af LinkTheater línunni sinni í dag. LinkTheater Wirelss A&G Media Player PC-P4LWAG. Þetta er sem sagt tæki sem þú hefur við sjónvarpið þitt til að sýna í því myndir sem geymdar eru í tölvunni þinni eða á hörðum disk (svipað og iTV frá Apple). Hægt er að tengjast við það þráðlaust yfir 802.11a/g, ethernet og USB 2.0.
S-video, D4 og fleiri útgangar eru svo í græjunni. Stýrikerfið er Mediabolic og styður það spilun á MP3, WMA, AAC hljóðskrám og MPEG 1/2/4, WMV 7/8/9, XviD og h.264 myndskrár.

Öflugur router

Ritstjóri — Fri, 08 Dec 2006 23:24:13 +0000

Kanadíska fyrirtækið AlphaShield hefur kynnt til sögunnar nokkuð öflugan router. Hann er sagður ná yfir 350 metra innandyra og yfir 1150 metra utandyra. Þetta á að sjálfsögðu við bestu aðstæður. Þeir kalla tæknina Power-G en þetta mun vera um 20 sinnum meiri vegalengd en venjulegur router nær.
Hraðinn á græjunni er 108mps og það eru 5 ethernet port á honum auk þess sem það er eldveggur, prentþjónn og VPN stuðningur.
Verslanir í USA búast við græjunni í hillurnar hjá sér í Janúar og verðinu í kringum 15.000 ísl kr.

Lagageymsla fyrir iPod

Ritstjóri — Fri, 01 Dec 2006 07:56:08 +0000

Bandaríska fyrirtækið Buffalo hefur sett á markað sniðugan flakkara. Munurinn á þessum flakkara og öðrum er að hann er með innbyggðum vefþjón fyrir iTunes lög (eða venjuleg mp3 lög). Hægt er að fá flakkarann með 250, 320 og 500 GB diskum og það eru auðvitað hægt að nota hann í geyma allt hitt stöffið þitt líka, eins og kvikmyndir og þætti. Tækið er tengt við tölvu/sjónvarp með USB og Ethernet.
Vondandi verður hægt að geyma öll iTunes lögin í honum og spila þau úr öllum heimilistölvunum ef það eru fleiri en ein á hverju heimili.

Myndavélin gerð WiFi

Ritstjóri — Tue, 31 Oct 2006 14:58:58 +0000

Frábær tækninýjung hefur birst frá fyrirtækinu Eye-Film. Minniskort sem er einnig WiFi netkort!!. Kortið er komið í dreifingu í Beta útgáfu í 512mb stærð sem verður uppfært í 1GB síðar. Af kortinu sendir þú svo myndirnar beint inná PC tölvuna þína eða Makka og þarft enga snúru. Kortið er af SD staðli en Compact Flash Type II millistykki fylgir. Vá hvað tækninni fleygir fram….