Hlutir.is » mp3

Svölustu heyrnatól í heimi

Ritstjóri — Fri, 11 Mar 2011 19:51:13 +0000

Það er varla hægt að hugsa sér svalari heyrnatól. Þau eru gerð úr 18 karata gulli og líta út sem 9mm skothylki. Þau eru ekki bara ótrúlega flott heldur er víst hljómurinn í þeim alveg frábær.

Snúran er úr kevlar og er hljóðnemi á henni. 3,5mm tengið er húðað með 24k gulli.

Með byssukúlur í eyrunum!

Heimasíða framleiðands.

Þráðlaus heyrnatól

Ritstjóri — Wed, 17 Nov 2010 22:53:27 +0000

Nú þegar nýji iPod shuffle-inn er orðinn svona rosalega lítill er hægt að fara út að trimma án þess að flækjast of mikið í snúrunni. Hann er einfaldlega festur á eyrað.

Fyrirtækið sem framleiðir heyrnatólin heitir Elecom og heyrnartólin heita Actrail. Þau fást í hvítu og bleiku og eru aðeins til í Japan um þessar mundir.

earPod

Draumur iðnaðarmannsins

Ritstjóri — Sun, 07 Mar 2010 13:00:31 +0000

Stanley hefur sett á markað alvöru iðnaðarmannagræju. Alvöru kraftmikil hljómflutningstæki með útvarpi, iPod stöð, USB og SD tengi. Einnig er úttak fyrir 12 volta sígrettukveikjaratengi, 5 stk USB hleðslutengi og fleira.

Stanley útvarp

Eyrnatækjahaldari

Ritstjóri — Sun, 03 May 2009 18:04:06 +0000

Hversu þreytandi er það að sækja eyrnatækin sín í vasann þegar þau eru öll flækt og snúin. Nú er bara málið að taka kaupa sér svona uglu sem er dulbúin sem eyrnatækjahaldari. Nánast frítt, aðeins %5 hér.

Plan B er að föndra þetta sjálfur heima, smá spýta, sög og bor ættu að redda þessu.

Man einhver eftir ZUNE?

Ritstjóri — Sat, 11 Apr 2009 07:59:55 +0000

Zune er tónlistarspilari frá Microsoft sem átti að keppa á móti iPod. Það hefur nú ekki gengið vel hingað til en enn reyna þeir, því nóg eiga þeir af peningum til að ausa í þetta. Þessi mynd er líklega af nýjasta afbrigðinu, sem sagt eftirhermu af iPod touch. Nánari upplýsingar eru ekki komnar í ljós en líklegt er að báðir Zune eigendurnir séu spenntir fyrir uppfærslu.

Loksins hægt að fá almennilegan síma!!!

Ritstjóri — Wed, 18 Mar 2009 21:37:47 +0000

Porsche Design hefur sent frá sér verulega flottan GSM síma. Þessi er skorinn útúr álklumpi og er með 2,8 tommu rispufríum OLED snertiskjá. Myndavélin er 5 megapixel og það er auðvitað GPS og Wi-Fi um borð. Einnig er fingrafaraskanni í honum til að enginn sé að fikta í græjunni þinni nema þú.

Gripurinn heitir Porsche Design P’9522 og kostar um 150 þúsund kall í Bretlandi.

iPod í góðri gæslu

Ritstjóri — Tue, 27 Nov 2007 18:29:10 +0000

Spurning hvort maður hafi eitthvað við stálhlíf utanum iPodinn sinn að gera? Allavega datt Japönunum í Shimura í hug að framleiða svona flott hlíf fyrir nýja iPod nano-inn. Hlífin kostar um 10 þúsund kall í Japan og þykir það nokkuð mikið.

Apple hannar mælaborð í bíl

Ritstjóri — Mon, 19 Nov 2007 08:02:50 +0000

Volkswagen kynnti í vikunni nýjan bíl á bílasýningunni í Los Angeles. Það er ekki frásögum færandi nema hvað Apple hefur hannað mælaborðið og útvarpið í bílinn í samvinnu við VW. Útvarpið er sem sagt 7″ snertiskjár með nokkurs konar CoverFlow og þaðan er einnig stjórnað miðstöðinni og þessum helstu hlutum bílsins. Skipt er á milli laga alveg eins og á iPod touch og svo sést myndin af plötuumslaginu í mælaborðinu einnig.

Flott framtak hjá Apple en þeir hefðu nú getað byrjað á einhverri annari bílategund en þessum VW Space UP! (upphrópunarmerkið eru hluti af nafni bílsins!)

Fleiri myndir….

Gæði ofar magni

Ritstjóri — Sun, 28 Oct 2007 10:14:31 +0000

Nýji MP3 spilarinn frá Bang & Olufsen tekur aðeins 1000 lög (4GB) en þeir lofa að hljómgæðin séu meira virði heldur en magnið. Batteríið dugar í 40 klst spilun.

Spilarinn er hannaður af Steffen Schmelling og auðvitað úr hágæða efnum, t.d. stainless stál í grindinni, háglansandi svart lakk og rispufrítt gler yfir skjánum. Gúmmí er í tökkunum. Flott leðurhulstur fylgir með spilaranum.

Verð í USA er $600 eða um 36.000 krónur. B&O er velkomið að senda einn spilara á hlutir.is í prófun

Fallegt málefni

Ritstjóri — Tue, 23 Oct 2007 08:55:54 +0000

Zune spilarinn er nú til í takmarkaðri útgáfu. Spilarinn er bleikur og fer allt söluverðið í góðgerðarmál. Jebb, allt söluverðið. Microsoft ætlar með þessu að styrkja Susan G. Komen sjóðinn sem leitar að lausn við brjóstakrabbameini í konum. Málefnið er vissulega gott og fallegt og gjafmildi Microsoft manna er mikið, en mikið er spilarinn ljótur.

Zune spilarinn var svo sem ekki fallegur fyrir í hvaða lit sem er. Reyndar kom á markaðinn um daginn brún útgáfa af honum sem var afskaplega ljót og keppir við þann bleika um ljótustu útgáfuna.

Á einhver Zune spilara? Nennir eitthvað fyrirtæki að flytja þá inn til að selja?