Hlutir.is » Leikjatölvur

Spilakassi í stofuna heima

HOA — Sat, 17 Jul 2010 17:27:19 +0000

Nú er loksins kominn á markað raunverulegur kostur við að fá sér alvöru spilakassa inní stofu. Kassinn er hannaður og smíðaður af Pinel & Pinel og fæst í 51 lit. Í kassanum eru 60 leikir og margir af þeim bestu frá því á níunda áratugnum svo sem PacMan, 1942 og Space Invaders.

Skjárinn er 1080p LCD og hágæða 400w hljómkerfi með bassaboxi er í kassanum sem er leðurklæddur. Kassinn er einnig hleðslustöð fyrir iPhone en flottast væri en hægt væri að spila leikina úr honum, en svo virðist ekki vera.

Verðið byrjar í 1,5 milljón íslenskar kr. og hægt er að fara með það uppúr öllu valdi með því að sérpanta t.d. liti.

Nokkrir af þeim litum sem eru í boði

iPad frá Apple

HOA — Thu, 28 Jan 2010 21:15:28 +0000

Apple kynnti í gær nýja tegund af tölvu sem þeir telja að eigi eftir að breyta því hvernig við njótum internetsins. Tölvan kallast iPad og er örþunn og öflug. Hún er með u.þ.b. 10 tommu snertiskjá (24,6 cm) og 10 klst líftíma batterís. Notendaviðmótið er líkt því sem þekkist frá iPhone og iPod touch en þó verður stærri skjárinn nýttur betur t.d. í póstforritinu Mail og stuðningi við iWork skrifstofuforritin. Apple mun einnig kynna iBooks bókabúðina í iTunes og keppa þar við hið svarthvíta Kindle frá Amazon.

iPad tölvan frá Apple

Boðið verður uppá 3 stærðir á hörðum disk, 16,32 og 64 GB og allar tölvur verða með 802.11 N WiFi en hægt verður að fá þær einnig með 3G tengingu við netið.

Tækið verður með lyklaborði á skjánum en einnig verður hægt að tengja venjuleg lyklaborð við það í gegnum Bluetooth. Ekki er stuðningur við Flash frekar en í iPhone og kom það mörgum á óvart. Apple segir hugbúnaðinn ekki nógu stöðugan og eyðslufrekan á örgjörva, einnig verði hann úreldur fljótt þegar HTML 5 staðallinn verður orðinn algengari.

Ljóst er að leikjaæðið sem iPhone hefur komið af stað er rétt að byrja. Leikjaupplifunin verður enn magnaðari með þessari græju. Einnig verða margir sem eiga eftir að upplifa bíómyndir, sjónvarpsþætti, ljósmyndir, vefi og margt annað á nýjan og magnaðan máta.

PS3 fæst gefins fyrir sigurvegarann í 24 tíma brandarakeppni

HOA — Sun, 01 Apr 2007 09:35:31 +0000

Hlutir.is eru búnir að vera með PS3 í prófunum frá Óla í GameTíví í nokkra daga. Við fengum 8 leiki, nokkrar Blue-Ray myndir og allskonar fylgihluti til að prufa. Greinin kemur svo hérna hjá okkur eftir nokkra daga. En við erum búnir að prófa tölvuna og áttum að skila henni, en fengum leyfi til að gefa hana einum tryggum lesanda

Hvernig eigum við að velja lesanda? Fyrstur kemur fyrstur fær?? Hver er sætastur?? Hver er hraðastur í NFSD Carbon??

Allt þetta er svo erfitt í framkvæmd, þannig að við ætlum að láta þann vinna sem skrifar besta brandarann í athugasemdirnar hér fyrir neðan. Munið eftir að hafa réttan email (sem enginn sér) svo við getum haft samband til baka. Hver og einn má senda inn fleiri en einn brandara.
Keppnin byrjar NÚNA og stendur í 24 klst.

Endurkoma Commodore á tölvumarkaðinn

HOA — Tue, 06 Mar 2007 20:42:25 +0000

Þeir sem eru orðnir þrítugir ættu að muna eftir Commodore 64 sem var uppá sitt besta á níunda áratug síðustu aldar. Velgengnin var þvílík að þetta er söluhæsta tölva í heiminum enn þann dag í dag (sama vörunúmer). Það seldust um 17 milljón eintök frá 1982 til 1994.Nú ætla þeir að koma sterkir tilbaka og kynna leikja PC vél sem á að vera það besta sem hægt er að finna fyrir leikjaspilara. Kynningin verður á CeBIT sýningunni 15 mars n.k. og er óhætt að segja að spennan sé farin að magnast….

http://commodoregaming.com/

Nokkrar upplýsingar um C64:

Örgjörvinn var MOS Technology 6510 og var hraðinn 0.99 MHz. Vinnsluminnið var 64-KB. Um 10.000 forrit voru seld fyrir C64, bæði skrifstofutól og leikir. Hægt var að tengja tölvuna beint við sjónvarp og flestir leikir voru spilaðir af kassettum.

Donkey Kong var gríðarlega vinsæll í Commodornum.

Einnig má nefna Bubble Bobble

Old school stýripinni

HOA — Fri, 02 Mar 2007 08:36:55 +0000

Stundum getur maður fengið krampa í þumalputtana þegar maður er búinn að vera í Playstation í nokkra klukkutíma. Maður þessum stýripinna er hægt að hvíla sig aðeins í þumalputtanum. Þetta er líka svolítið flassbakk í gömlu leikjasalina. Alvöru stýripinni sem hægt er að þjösnast á og slá hressilega á takkana þegar maður er í slagsmálaleikjum. Þessi heitir Virtua Figher 5 og er fá Akira Yuki og kostar ekki nema 3500 kall í USA.

Top Gun heima í stofu

HOA — Thu, 22 Feb 2007 23:00:20 +0000

Saitek X52 Pro eru græjur sem ættu að gera Flight simulator aðeins raunverulegri. Nú er bara að skella sér í dog-fight og reyna að komast heill til jarðar.

PS3 kemur 23.mars

HOA — Thu, 25 Jan 2007 11:11:25 +0000

Sony hefur lift hulunni af PS3 vélinni í Evrópu. Hún mun koma út 23.mars sem er nokkuð fyrr en sumir héldu. Það verða aðeins 1 milljón véla í boði fyrir alla álfuna og verða þær allar með 60GB hörðum diski (til minni í USA). Tölvan mun kosta 58.000 kall í Bretlandi, 54.000 á sumum öðrum stöðum, þannig að miðað við vsk-inn á Íslandi mun hún líklega kosta um 60 grönd !!!!.

Listi yfir leiki er hér fyrir neðan:

Listi yfir leiki sem verða fáanlegir á fyrsta útgáfudegi:

Resistance: Fall of Man, SCEE (Disc)
MotorStorm, SCEE (Disc)
Genji: Days of the Blade, SCEE (Disc)
FORMULA ONE CHAMPIONSHIP EDITION, SCEE (Disc)
Ridge Racer 7, SCEE (Disc)
Tekken: Dark Resurrection, SCEE (Network)
Lemmings, SCEE (Network)
Go! Sudoku, SCEE (Network)
Go! Puzzle, SCEE (Network)
Blast Factor, SCEE (Network)
flOw, SCEE (Network)
Super Rub’a'Dub, SCEE (Network)
Call of Duty 3, Activision UK Ltd (Disc)
Marvel: Ultimate Alliance, Activision UK Ltd (Disc)
Tony Hawk’s Project 8, Activision UK Ltd (Disc)
Gundam – Target in Sight, Namco Bandai Games (Disc)
Full Auto 2: Battle Lines, Sega Europe Ltd (Disc)
Sonic the Hedgehog, Sega Europe Ltd (Disc)
Virtua Fighter 5, Sega Europe Ltd (Disc)
Virtua Tennis 3, Sega Europe Ltd (Disc)
World Snooker Championship 2007, Sega Europe Ltd (Disc)
NBA 2K7, Take 2 International SA (Disc)
NHL 2K7, Take 2 International SA (Disc)
Blazing Angels Squadrons of WWll, Ubisoft Entertainment SA (Disc)
Enchanted Arms, Ubisoft Entertainment SA (Disc)
Tom Clancy’s Splinter Cell: Double Agent, Ubisoft Entertainment SA (Disc)
The Elder Scrolls lV: Oblivion, Ubisoft Entertainment SA (Disc)
Def Jam: Icon, Electronic Arts Ltd (Disc)
Fight Night Round 3, Electronic Arts Ltd (Disc)
NBA Street 4 Homecourt 2007, Electronic Arts Ltd (Disc)
Need for Speed Carbon, Electronic Arts Ltd (Disc)
The Godfather: The Don’s Edition, Electronic Arts Ltd (Disc)
Tiger Woods PGA Tour 2007, Electronic Arts Ltd (Disc)
Untold Legends: Dark Kingdom, Electronic Arts Ltd (Disc)
F.E.A.R., Vivendi Universal Games Intl SA (Disc)
Gripshift, Sony Online Entertainment (Network)
Eftirfarandi aukahlutir verða í boði:
SIXAXIS Þráðlaus stýring
Blu-ray Disc Remote Control
HDMI kapall
AV kapall
Component AV kapall
S Video kapall

Kampavín frá Sony

HOA — Tue, 16 Jan 2007 07:02:40 +0000

Stærsta fréttin frá Sony þessa dagana er að PSP tölvan kemur kampavínslituð fljótlega!! Kannski ekki stórfrétt en frétt engu að síður. Spurning hvort þeir fái Britney til að auglýsa hana????

GPS tæki á PSP

HOA — Thu, 07 Dec 2006 16:45:45 +0000

Sony í Japan hefur hafið sölu á viðbót við hina geysivinsæla lófa-leikjatölvu PSP. Það er GPS móttakari sem er aðeins um 4,5 cm á stærð og aðeins 16 grömm á þyngd.

Tækið er að sjálfsögðu hágæðaútgáfa af hinum þekktu GPS tækjum eins og við þekkjum þau. Til viðbótar eru komin fyrir Japansmarkað:

Golf-jou: Kort af öllum helstu golfvöllum í Japan, tækið gefur upp fjarlægðir frá hindrunum og holunni. Einnig er hægt að nota tækið til að muna fjölda högga.

Metal Gear Solid: Hægt er að nota tækið til að finna nýja kalla sem hægt er að kalla í herinn til sín.

Navigation: Þessi venjulegu kort fyrir bílinn og gönguferðirnar. Hægt er að finna áhugaverða staði og bensínstöðvar auðveldlega. Kortin eru uppfærð í gegnum netið.

Tækið kom í búðir í Japan í dag og kostar aðeins um 3600 krónur. Vonandi kemur það í Evrópu fljótlega á næsta ári.

Tækið er aðeins 45×41x17 mm