Hlutir.is » Bílar

F-línan frá Mercedes-Benz

Ritstjóri — Fri, 16 Sep 2011 18:02:17 +0000

Í tilefni af 125 ára afmæli bílsins kynnti Mercedes-Benz til sögunnar framtíðarbílinn F125. Bíllinn er óvanalegur blendingur en hann er knúinn af vetni og rafmagni og kemst 1000 km á hverri hleðslu.
Notast er við koltrefjar, ál og sérstyrkt stál sem gerir bílinn léttan og eyðslugrannan. Einnig eru rafgeymarnir léttir en þeir eru úr nýju og léttara efni en áður hefur verið notað í bíla, lithium sulphur.
Þrátt fyrir að vera blendingur er þetta enginn letingi. Það tekur aðeins 4,8 sekúndur að fara úr kyrrstöðu í 100 km/klst.
Svo er auðvitað leiðsögukerfið með þrívíddar snertiskjá.

Smelltu á Lesa meira til að fræðast um hvernig þú ert tengdur við Facebook þegar þú keyrir bílinn…

Barnavagn sem pabbarnir nenna að rölta með

Ritstjóri — Wed, 24 Aug 2011 20:41:19 +0000

sjáiði mig!

Sumum pöbbum finnst ekkert sérstaklega kúl að láta sjá sig með eldgamlan barnavagn með teinafelgum. Auðvitað er gaman að fara út með litla sólargeislann sinn og nú verður það enn skemmtilegra þegar alvöru græja er komin á heimilið.

Porsche framleiðir ekki bara bíla heldur einnig hin ýmsu tæki eins og sólgleraugu og uppþvottabursta. Allt í hágæðahönnun og gæðum. Nú er sem sagt að koma á markaðinn frá þeim týpan P4911 barnavagn sem er gerður úr koltrefjum, áli, leðri og rúllar um á kúlulegum í hjólunum. Auðvitað smellpassar svo allt í skottið á 911.

Aðeins raunverulegra að spila Formúlu leiki

Ritstjóri — Wed, 16 Mar 2011 22:45:42 +0000

Tölvuleikir geta verið nokkuð raunverulegir og eru bílaleikir þar mjög framarlega. Þetta sæti mun gera upplifunina enn raunverulegri þar sem þú munt sitja/liggja í stöðu líkt og í Formúlu bíl. Sætið er hannað í samvinnu við Red Bull liðið í Formúlunni

Gallinn er sá að sætið er rándýrt, kostar um 150 þúsund kall í USA og þá erum við bara að tala um sætið og undirvagninn. Þú þarf aukalega að kaupa stýrið, pedalana, skjáinn og svo auðvitað tölvuna. Reyndar eru festingar fyrir alla þessa hluti en samt mikið vesen.

Framleiðandinn segir að sætið komi á markað í Maí en nú þegar hafa pantanir streymt inn, þar á meðal frá þekktum Formúlu ökumönnum.

Ætli helmingurinn af verðinu fari ekki til Red Bull liðsins?

Heimasíða framleiðandans

Morgunverðarskál fyrir bíladellukalla

Ritstjóri — Tue, 15 Mar 2011 19:52:50 +0000

Kókópöffsið myndi renna ljúklega niður uppúr svona morgunverðarskál.

Morgunaverðar? Sumir myndu nota hana allan daginn

kaupa

Hljóðmúrinn í hættu

Ritstjóri — Tue, 01 Mar 2011 19:34:52 +0000

Það styttist í það að Koenigsegg rjúfi hljóðmúrinn með nýja Egginu sínu. Nýji bíllinn þeirra heitir Agera R og er með 5 lítra V8 mótor sem notar tvær túrbínur til að framleiða 1115 hestöfl – eitt þúsund eitt hundrað og fimmtán – . Vélið togar einnig 885 pund á fetið. Úff.

Hér eru línurnar í lagi

Heimasíða Koenigsegg

2012 Aston Martin Virage

Ritstjóri — Sun, 27 Feb 2011 10:43:04 +0000

Nýji Astoninn er nokkuð líkur DB9 en er samt splunkunýr bíll. Hann heitir Virage og er með 6 lítra V12 vél sem skilar 490 hestum. Bremsurnar eru úr koltrefjum og leðrið í sætunum er handsaumað.

Það er eitthvað sérstakt við þessa bíla, þeir verða einhvernveginn fallegri eftir hvað maður starir lengi á myndirnar af þeim.

Virage

Pimpaður Range Rover

Ritstjóri — Wed, 23 Feb 2011 21:21:46 +0000

Þó að þessi Range Rover hafi aðeins verið tekinn í gegn er þetta engin “MTV Pimp my ride” útgáfa. Þetta er alvöru. Þessi hefði örugglega selst í 100 eintökum á Íslandi árið 2007.
Þessi útgáfa kallast Range Rover Autobiography Ultimate Edition og má segja að þetta líkist frekar einkaþotu en bíl. Til að nefna eitthvað þá eru í bílnum 4 körfustólar, 2 iPaddar og kælir á milli aftursætanna.

Bíllinn verður frumsýndur á bílasýningunni í Genf í næsta mánuði. Verðið er ekki komið á hreint.

iPad með þráðlausu lyklaborði

Skottið er orðið að skipsdekki

Vígalegur

Kælirinn og rauðvínsglasahaldararnir

Ferrari 4

Ritstjóri — Tue, 25 Jan 2011 19:50:50 +0000

Fyrsta myndin af 4

Ferrari hefur boðað komu fyrsta fjórhjóladrifs bíls þeirra. Bíllinn hefur einnig fjögur sæti. Hann gengur undir nafninu FF (Ferrari fjórir).

Bíllinn kemur til með að leysa af hólmi flaggskip verksmiðjunnar, 612 Scaglietti, og mun verða kynntur formlega á bílasýningunni í Genf.

4 er hnúfubakur (hatchback) með 6,3 lítra V12 vél sem framleiðir 651 hestafl og 504 lb/ft af togi. Hámarkshraði verður 335 km/klst og hröðun frá o til 100 verður 3,7 sek. Notast verður við sama tveggja kúplinga gírkassa og er í 458 Italia og California.

Lúxuskerra frá Maybach

Ritstjóri — Thu, 13 Jan 2011 19:21:37 +0000

Ef þið hélduð að Mercedes-Benz væri lúxuslínan frá Daimler fyrirtækinu þá er það misskilningur. Toppurinn á ísjakanum hjá þeim heitir Maybach er fyrir þá allra ríkustu. Alls eru 5 tegundir í boði frá þeim og heildarsalan er innan við 200 bíla á ári. Samkeppnin við Rolls Royce og Bentley er hörð og lísti fyrirtækið því yfir í vikurinni að möguleiki er á að það verði lagt niður á þessu ári.

Það væri ágætt að rúlla um á Maybach Landaulet.

Svalur hjálmur

Ritstjóri — Fri, 07 Jan 2011 12:29:10 +0000

Einn svalasti mótorhjólakappi síðustu aldar var Steve McQueen. Hann var reyndar frægur sem kvikmyndaleikari en keppti í motocrossi og enduro þrátt fyrir að samningur hans við kvikmyndaverið bannaði það (hann skráði sig í keppnir undir dulnefni).

McQueen notaði TAG Hauer Monaco úr þegar hann lék í kvikmyndinni Le Mans og hefur það úr verið klassískt síðan. Nú hefur TAG Hauer ákveðið að reyna að ná inn nokkrum aurum í viðbót á fornri frægð og framleitt hjálm sem líkist þeim sem McQueen notaði í sömu mynd.

Hjálmurinn er í trefjagleri með stálfestingum og er málaður í sömu litum og McQueen var með í myndinni auk þess sem Heuer logoið frá þeim tíma er málað á hjáminn. Hjálmurinn kostar $650 í USA sem er sirka 80 þús.

Sportlegur